دقت ساعة اللقا من روائع الراقي عز الدين الحميري

أغنية خلت حرفي يدانيها:
دقت ساعة اللقا ولحظة نوره وطيفه
بانت بالعين والقلب والحشا يرجيها
انا اللي عشقته وهو راحتي مو بكيفه
ماعاد لي غير الرجا وناري هو يطفيها
سلو الشمس والقمر وجو الشتا وصيفه
نوره يشع بكل لحظة شوق ويبان فيها
صبيت له كاس الغرام والمنى كون ضيفه
لقا بعد غياب وياليته روحي مايجافيها
ياويل حالي من رمح رمشه وسيفه
يصيب قلبي وعلتي هو اللي يداويها
غنيت لحن حنيني وهواي يسمع وحيفه
هو اللي يحس بكل حروفي وقوافيها
سلسبيل قلبي وروحي شريانه ومغاريفه
ينابيع مالها مثيل ويازين مايها وساقيها
لو هفهفت روحي صوب دارها ومواليفه
تهيم روحي لوصلها وعيني تسيل مآقيها
سمعت اغنية ياناس أحبه ويازين سواليفه
خلت قلمي يتحرك ويكتب كلمات تدانيها
بكل الأوقات والصعاب حالي وليفه
أدور رضاه وعسى روحي مايخليها
ياعاذلي لاتشمت باللي تقراه وعيفه
تراك تندم لوحسيت بالمعاني ومافيها
ياكل الأبيات وكل شطر كون حليفه
لأجل تثير عطرها وتبان علي روابيها
       @عزالدين الحميري@